Газрын тос боловсруулах үйлдвэр байгуулах төслийн санхүүжилтийн зээлийн дэд гэрээнд Монгол улсын Сангийн сайд Б.Жавхлан, БНЭУ-ын Эксим банкны Ерөнхий менежер Нирмит Нарендра Вед нар 2023 оны 8-р сарын 17 өдөр гарын үсэг зурлаа. Дэд зээлийн гэрээг байгуулснаар:

• Монгол улсын Засгийн газар 2016 онд БНЭУ-ын Эксим банктай байгуулсан 1.0 тэрбум ам.долларын зээлийн эргэн төлөлтийн хуваарьт өөрчлөлт оруулах,

• EPC-02 болон EPC-03 багц ажлын гэрээний үндсэн төлбөрөөс чөлөөлөх хугацааг дахин 7 жилээр сунгах,

• Богино хугацаанд их хэмжээний төлбөр төлөх байсан төсвийн дарамтын бууруулах,

• EPC-02 болон EPC-03 багц ажлын гүйцэтгэгчийн гэрээг баталгаажуулж, гүйцэтгэгч компаниудын санхүүжилтийг олгож эхэлснээр Монгол улс БНЭУ-ын Засгийн газар хоорондын хамтын ажиллагаанд стратегийн өндөр ач холбогдол бүхий Газрын тос боловсруулах үйлдвэрийн төсөл саадгүй үргэлжлэхээр боллоо.