Газрын тос дамжуулах хоолой барих ажлын ерөнхий гүйцэтгэгчээр шалгарсан БНХАУ-ын төрийн өмчит “Norinco International Cooperation” компани 2022 оны сүүлээс ажлаа эхлүүлсэн. 2022 онд тус компани ажлын нарийвчилсан зураг, түүхий тосны шинжилгээ, суурь судалгааны ажлууд, технологийн зам зэрэг дэд бүтцийн ажлаа дуусгасан бөгөөд дамжуулах хоолойн барилга угсралтын ажлыг 2023.04.28 өдөр эхлүүлсэн. Дамжуулах хоолойн ажлын нарийвчилсан зургийг Канад улсын “Worley Engineering Parsons” компани гүйцэтгэж дууссан бөгөөд Эх загвар/эскиз зургуудыг Барилгын Хөгжлийн төвийн магадлалаар оруулж, баталгаажуулсан ба Project Wise 365 төслийн баримт бичгийн менежментийн программ хангамжийг ашиглан техникийн зураг төслийн (FEED) баримт бичгийг хүлээн авч хянасан. Ерөнхий гүйцэтгэгч “Norinco International Cooperation Ltd” компани Техникийн зураг төслийг гүйцэтгэж дууссан.
Дамжуулах хоолойн барилга угсралтын ажлын гүйцэтгэл:
Үндсэн гол технологийн хоолойн угсралтын ажлыг 2023.06.12-нд Хүлээн авах станцаас Халаах, өргөх 4 болон 3-р станцын хэсэгт буюу 527+480 дахь км-ээс эхлүүлсэн бөгөөд нийт 226 км хоолойн гагнуурын ажлыг гүйцэтгэж, эдгээр гагнуурын ажлыг Үл эвдэх сорилоор 100 хувь шалгаж баталгаажуулсан.
Үүнд: Хоолойн цувих ажил, Хоолойн гагнуур, Үл эвдэх радиографийн сорил, Үл эвдэх хэт авианы сорил, Үл эвдэх соронзон бөөмийн сорил, Зэврэлтээс хамгаалах будаг, Дулаалга хөөс, Тусгаарлагч, Катодын хамгаалалтын суурилуулалт, Шилэн кабель суурилуулалт, Дамжуулах хоолойн ухмалын ажил, Хоолойн буулгах ажил, Анхааруулах тууз татах ажил, Хоолой булах ажил, Технологийн гүний худаг гаргах ажлууд хийгдсэн ба 2023.10.29-ны өдрөөс хоолой буулгах ажил нь эхэлсэн. Өөрөөр хэлбэл, 2023 онд төлөвлөгдсөн 230 км хоолойн гагнуурын ажил болон өндөр хүчдэлийн кабелийн ухмалын ажлууд хийгдэж дуусаад байна.
| 1 | Инженер геологийн судалгаа | 100% |
| 2 | Техникийн зураг төсөл (FEED) | 100% |
| 3 | ЦДАШ-ын зураг төсөл | 93% |
| 4 | Технологийн зам | 76.3% |
| 5 | Хүлээн авах станцын цахилгаан хангамжийн ажил | 100% |
| 6 | Гүний худаг гаргах барилга угсралтын ажил | 75% |
| 7 | Дамжуулах хоолойн түр кемпийн барилга угсралтын ажил -98% | |
| 7.1 | Үндсэн кемпийн барилга угсралтын ажил | 100% |
| 7.2 | Толгой станцын түр кемпийн барилга угсралтын ажил | 77% |
| 7.3 | Халаах, өргөх станц 1 түр кемпийн барилга угсралтын ажил | 79% |
| 7.4 | Халаах, өргөх станц 2 түр кемпийн барилга угсралтын ажил | 100% |
| 7.5 | Халаах, өргөх станц 3 түр кемпийн барилга угсралтын ажил | 78% |
| 7.6 | Халаах, өргөх станц 4 түр кемпийн барилга угсралтын ажил | 93% |
| 8 | Дамжуулах хоолойн барилга угсралтын ажил (IHPS4-Terminal Station Section-5) | 74% |
| 9 | Дамжуулах хоолойн барилга угсралтын ажил (IHPS4-IHPS3 Section-4) | 56% |
| 10 | Хоолойн цувих ажил | Нийт-228км |
| 11 | Хоолойн гагнуурын ажил | Нийт – 226км буюу 18854 joint |
| 12 | Үл эвдэх радиографын сорил | Нийт – 226км буюу 18854 joint |
| 13 | Үл эвдэх хэт авиан сорил | 91,56км буюу 763 joint |
| 14 | Үл эвдэх соронзон бөөмийн сорил | 52.44км буюу 437 joint |
| 15 | Гагнуурын залгаас бүрээсийн ажил | |
| 15.1 | Зэврэлтээс хамгаалах будаг | 104км буюу 8713 joint |
| 15.2 | Тусгаарлагч | 98км буюу 8168 joint |
| 15.3 | Хөөсний ажил | 97км буюу 8163 joint |
| 16 | Дамжуулах хоолойн катодын хамгаалалт суурилуулах ажил | 151км |
| 17 | Дамжуулах хоолойн ухмалын ажил | 95км |
| 18 | Дамжуулах хоолой буулгах ажил | 25км |
| 19 | Дамжуулах хоолой булах ажил | 25км |
| 20 | Анхааруулах тууз татах ажил | 25км |
| 21 | Шилэн кабель суурилуулах | 25км |
| 22 | Техник хяналтын акт баталгаажуулалт (ил далд ажлын акт) | 3800ш |
| 23 | Талбайд хүлээн авсан хоолой | Нийт-19220ш буюу 35.5% |
