Залуучууд Та бүхнийг эх орныхоо шинэ бүтээн байгуулалтын нэг хэсэг болж, шинэ мэдлэг – шинэ технологи эзэмшин монгол улсдаа нефть-химийн шинэ аж үйлдвэрийн салбарын анхдагчид болохыг уриалж байна.
Монгол улсад баригдаж буй “Газрын тос боловсруулах үйлдвэр”-ийн мэргэжилтэй боловсон хүчин, инженерүүдийг дотооддоо бэлдэх зорилгоор “Монгол газрын тос боловсруулах үйлдвэр” ТӨХХК-ийн санаачлагаар 2022-2023 оны хичээлийн жилээс ШУТИС-д “Газрын тос боловсруулах үйлдвэрийн инженер” бакалаврын тэтгэлэгт хөтөлбөрийн сургалтыг эхлүүлсэн.
Өнгөрсөн жил элсэн суралцсан 21 оюутан Дорноговь аймагт баригдаж буй Газрын тос боловсруулах үйлдвэрийн талбайд танилцах дадлага хийж, анги дэвшин суралцаж байна.
ШУТИС-ийн ГУУС-ийн Газрын тос, өрөмдлөгийн салбар, ХШУС-ийн Химийн инженерчлэлийн салбарын эрдэмтэн багш нарын хамтран гаргасан сургалтын төлөвлөгөөний дагуу нийт 130 кредит цагийн хичээлийг оюутнууд үзэж судалж байна.
Уг тэтгэлэгт хөтөлбөрийн 2023-2024 оны хичээлийн жилийн элсэлт явагдаж байна.
99117420, 99052511
Газрын тос боловсруулах үйлдвэр байгуулагдахад 550 инженер бэлтгэсэн байх шаардлагатай юм.
