![](https://mongolrefinery.mn/wp-content/uploads/2023/10/image-16.png)
Өнөөдөр “Герман-Монголын бизнес эрхлэгчдийн холбоо”-ны Гүйцэтгэх захирал Ребекка Шмүйкинг болон Германы Ахмад Мэргэжилтний Албаны зуучлал хариуцсан менежер Ц.Ундармаа, Гадаад харилцааны менежер С.Бүжинлхам нар “Монгол газрын тос боловсруулах үйлдвэр” ТӨХХК-д зочиллоо. Уулзалтын үеэр Монгол Улсад анх удаа хэрэгжиж буй Газрын тос боловсруулах үйлдвэр байгуулах төслийн талаар тус компанийн Гүйцэтгэх захирал Д.Алтанцэцэг болон албадын дарга нар мэдээлэл өглөө. Газрын тос боловсруулах үйлдвэр бол өндөр технологид суурилсан, инженерчлэл-эдийн засгийн цогц шийдэл бүхий бүтээн байгуулалт. Техник технологийн хөгжлөөр тэргүүлэгч орнуудын нэг Герман улсаас газрын тос боловсруулалт, нефть-химийн аж үйлдвэрлэлийн чиглэлээр мэргэжилтэн урих, энэ чиглэлээр туршлага судалж, хамтран ажиллах боломж бий талаар хоёр тал санал солилцлоо. “Монгол газрын тос боловсруулах үйлдвэр” ТӨХХК-д “Герман-Монголын бизнес эрхлэгчдийн холбоо”-ны Ахмад Мэргэжилтний Албаны зуучлалаар өмнө нь дөрвөн мэргэжилтэн ажиллаж байсан юм.