БНЭУ-аас Монгол улсад суугаа онц бөгөөд бүрэн эрхт элчин сайд, ноён Атул Малхари Готсурвед Газрын тос боловсруулах үйлдвэрийн бүтээн байгуулалтын явцыг танилцууллаа. Энэ үеэр Элчин сайд төсөл хэрэгжүүлэгч, төслийн менежментийн зөвлөх, ерөнхий гүйцэтгэгч компаниудын удирдлагуудтай үйлдвэрийн талбайд хурал уулзалт хийж, үйлдвэрийн талбайд өрнөж буй бүтээн байгуулалттай биечлэн танилцаад EPC02, 03 багц ажлуудын хүрээнд хийгдэж буй ажлуудад сэтгэл хангалуун байгаагаа илэрхийллээ. Ноён Элчин сайд Газрын тос боловсруулах үйлдвэрийн бүтээн байгуулалтын ажилд оролцож буй бүхий л инженер, техникийн ажилтнуудад талархал илэрхийлж амжилт хүсээд төслийн хэрэгжилтийг улам эрчимжүүлэхийг хүслээ.